پاکستان کے پرندوں کی تصاویر

پاکستان کے چند خوبصورت اور حسین پرندے

پاکستان کے چند خوبصورت اور حسین پرندے

پاکستان کو اﷲ تعالیٰ نے اتنی خوبصورتی سے نواز رکھا ہے جس کا ہم تصور بھی نہیں کرسکتا- پاکستان کے ساحلوں اور دیگر علاقوں میں متعدد ایسے حسین اور دلکش پرندے پائے جاتے ہیں جو دنیا بھر میں یا تو نایاب ہیں یا پھر وہاں ان کی نسلیں معدومی  (ختم ہونے کو ) کا شکار ہورہی ہیں- ایسے ہی چند رنگا رنگ اور خوبصورت پرندوں  کا  ذکر ہے ہمارے آج کے اس آرٹیکل میں-

پاکستان کو ان جادوئی پرندوں کا گھر بھی قرار دیا جاسکتا ہے-

شاہین Shaheen Falcon

شاہین کسی تعارف کا محتاج نہیں- یہ ایسا پرندہ ہے جو ہجرت نہیں کرتا اور ہمارے ملک پاکستان کے ساحلوں پر پایا جاتا ہے- یہ ایک شکاری پرندہ ہے اور اس کے پنجے انتہائی طاقتور اور تیز ہوتے ہیں جس کی مدد سے یہ اپنا شکار کو ٹکڑوں میں تقسیم کردیتا ہے-

کیمزن سن برڈ Crimson Sunbird

یہ خوبصورت پرندہ صرف پاکستان میں ہی نہیں پورے برصغیر ہندوستان میں پایا جاتا ہے- یہ پرندہ مختلف پرکشش رنگوں میں ہوتا ہے اور پھولوں کے اردگرد پایا جاتا ہے-

سلیٹی سر والی پیلے رنگ کی چڑیاGrey-Hooded Warbler
یہ پرندہ پاکستان کے جنگلات یا اس سے ملحقہ علاقوں میں پایا جاتا ہے- یہ پرندہ اپنی منفرد چہجاہٹ کی وجہ سے مشہور ہے- لیکن یہ انتہائی چھوٹا اور تیز رفتار ہوتا ہے جس کی وجہ سے اسے پکڑنا آسان نہیں-

 Red Billed Leiothrix لال چونچ والی چڑیا
یہ دلچسپ پرندہ اکثر پنجروں میں قید ہی دکھائی دیتا ہے اور یہ ایک مقبول ترین پالتو پرندہ ہے- اس ایک پرندے کے اوپر بہت سے خوبصورت رنگ دیکھے جاسکتے ہیں جبکہ یہ پرندے 6 انج تک کے سائز کے پائے جاتے ہیں-

Red Collared Doveگلابی فاختہ

یہ دلکش پرندہ پنجاب میں دکھائی دیتا ہے جہاں یہ اپنا موسمِ گرما گزارتا ہے- اس کے حیرت انگیز رنگوں کی وجہ سے اسے روشنی میں پکڑنا کسی حد تک دشوار ثابت ہوتا ہے لیکن حقیقت میں یہ ایک 

حیرت انگیز پرندہ ہے-

مونال سرخاب Monal Pheasant

یہ چمکدار رنگوں کا حامل حسین پرندہ شمالی پاکستان کے ہمالیہ سے تعلق رکھنے والے خطوں میں پایا جاتا ہے- یہ اپنے جسم پر موجود انگنت چمکدار رنگوں کی وجہ سے جانا جاتا ہے اور اسی وجہ سے اسے تمام پرندوں میں ایک نمایاں حیثیت بھی حاصل ہے-

Khalij Pheasant خھالجی سرخاب
یہ پرندہ بھی گزشتہ پرندے کی فیملی سے تعلق رکھتا ہے اور شمال میں ہمالیہ کی چوٹیوں پر پایا جاتا ہے- تاہم افسوسناک بات یہ ہے کہ یہ خوبصورت پرندہ اب اپنے خاتمے کے قریب ہے اور ان کی تعداد 

بہت تھوڑی رہ گئی ہے-

Coppersmith Barbet  کوپر سمتھ
یہ پرندہ بہت بڑی تعداد میں پاکستان میں پایا جاتا ہے اور اس کی پسندیدہ غذا پھل ہیں- اس کی ٹک ٹک کی آواز کسی حد تک پریشان کن ہوتی ہے لیکن اس کی خوبصورتی سے کسی صورت انکار ممکن نہیں

روڈی  بطخ یا مرغاب

Ruddy Shelduck
اس بطخ کا تعلق افریقہ سے ہے لیکن موسمِ سرما میں یہ ہجرت کر کے پاکستان آجاتی ہے جہاں یہ 

انڈے بھی دیتی ہے- ہجرت کے دوران ان پرندوں کو جھنڈ کی صورت میں دیکھا جاسکتا ہے-

Long-tailed Minivet
یہ پرندہ اپنی لمبی دم کی وجہ سے مقبول ہے- ان پرندوں میں نر پرندہ نارنجی اور کالے رنگ کا ہوتا ہے جبکہ مادہ کا رنگ پیلا اور کالا ہوتا ہے-

درجِ بالا مواد   جماعت  میں  تدریس کی غرض سے درج ذیل ویب سائیٹ سے لیا گیا۔

http://hamariweb.com/articles/77636

Pavo cristatus

ہندوستانی مور یا طاوس ہندی (Indian peafowl) (سائنسی نام: Pavo cristatus) ایک بڑا اور چمکیلا رنگدارپرندہ ہے جو مور کی نسل سے ہے۔ 

ضلع اسلام آباد میں پرندوں کو تقریبا 76 کے قریب اقسام پائی جاتی ہیں۔ 

سرخاب کا شمار دنیا کے خوبصورت ترین پرندوں میں ہوتا ہے۔ دنیا میں بھر میں سرخاب کی مختلف قسمیں پائی جاتی ہے۔ جس میں سنہرا سرخاب، عام سرخاب، اور پٹے دار سرخاب بہت مشہور ہیں۔
سرخاب پاکستان کے کھیتوں اور کھلیانوں میں بکثرت پایاجاتا ہے۔ رات میں اونچے درختوں پر بسیرا کرتا ہے اور دن بھر کھیتوں اور جھاڑیوں میں اپنی خوراک تلاش کرتا ہے ۔نر سرخاب مادہ کے مقابلے زیادہ خوبصورت اوردلکش ہوتا ہے۔ سنہرے سرخاب کی وجہ شہرت سنہرے بالوں کی چوٹی کی ہے جو سرخاب کے سر سے لے کر گردن کے پچھلے حصّے تک ہوتے ہیں۔ زردی مائل بھورے رنگ کی دم سرخاب کی خوبصورتی اور لمبائی میں اضافہ کرتی ہے۔ سرخاب کے پر اپنی خوبصورتی کی وجہ سے ضرب المثل کی حیثیت رکھتے ہیں۔اردو زبان میں بھی سرخاب کے پروں کو تشبیہ کے طور پر استعمال کیا جاتا ہے ۔سرخاب کی پسندیدہ خوراک دانہ ، اناج، سنڈی اور کیڑے مکوڑے ہیں۔اگر آپ سرخاب کو دیکھنا چاہیں تو اسکے لیے بہترین وقت صبح کا ہے جب یہ واضح طور پر دیکھا جا سکتا ہے۔

درجِ بالا مواد کے لئے درجِ ذیل ویب سائیٹس سے مدد لی گئی۔ 

https://www.facebook.com/Tiflee.pk/posts/pheasant

https://ur.wikipedia.org/wiki/%D8%B2%D9%85%D8%B1%DB%81:%D9%BE%D8%A7%DA%A9%D8%B3%D8%AA%D8%A7%D9%86_%D9%85%DB%8C%DA%BA_%D9%BE%D8%B1%D9%86%D8%AF%DB%92

چکور کو Chukar Partridge بھی کہتے ہیں۔ کہا جاتا ہے کہ یوریشیاء میں چکور کو گیمس میں استعمال کیا جاتا ہے اور اسے وہاں کے کسان پالتے ہیں۔ اُردو میں چکور کہتے ہیں۔ یہ خوبصورت برڈ پاکستان کا قومی پرندہ ہے۔ چکور کا پہلو سفید اور سیاہ خوبصورت پروں سے ڈھکا رہتا ہے۔ اس پرندہ کے سر کے نیچے آنکھوں کے ساتھ ایک بالوں کی سیاہ پٹی رہتی ہے جو گردن، گلے کا احاطہ کرتے ہوئے دوسری جانب کی آنکھ سے جاملتی ہے۔ اس کی چونچ سرخ، چھوٹی اور مضبوط ہوتی ہے جب کہ اس کے پیروں کا رنگ بھی گاجر کے کلر کی طرح ہوتا ہے۔ یہ پرندہ ہندوستان، افغانستان، مشرق وسطیٰ، امریکہ، نیوزی لینڈ اور دیگر ممالک میں بھی پایا جاتا ہے۔
چکور پاکستان کے ساتھ کردستان کا بھی قومی پرندہ ہے۔ اسکی لمبائی کم و بیش 32 تا 35 سنٹی میٹر ہوتی ہے۔ اس کا چہرہ سفید بالوں سے ڈھکا رہتا ہے جب کہ اس کے اطراف سیاہ دھاری پٹی ہوتی ہے۔ نر اور مادّہ چکور کا سائز تقریباً مساوی ہوتا ہے، مگر مادہ کسی قدر نر سے چھوٹی دکھائی دیتی ہے۔ ان کی دُم میں 14 کے قریب پَر ہوتے ہیں۔ چک، چک، چک چکور کی آواز نکالتا ہے۔ اس لئے اس پرندہ کا نام چکور رکھا گیا

ہے۔ تیتر کے خاندان سے تعلق رکھنے والے اس پرندہ کا اصل وطن ایشیاء بتایا جاتا ہے۔ غیر قانونی شکار سے اس پرندہ کی تعداد میں تیزی سے کمی دیکھی جارہی ہے۔ اس کے علاوہ بریڈنگ سیزن میں غیر موزوں موسم بھی اس کی نسل کی تباہی کا سبب بن رہا ہے۔ نان بریڈنگ سیزن میں 10 تا 15 پرندے جھنڈ کی شکل میں رہتے ہیں۔ سرما کے موسم میں یہ پرندے وادیوں کا رُخ کرتے ہیں جہاں انھیں کھانے کے لئے کثیر تعداد میں اناج مل جاتا ہے۔ یہ پرندے دن میں بالخصوص صبح اور شام کے وقت مخصوص آواز ’چکور‘ نکالتے ہیں۔ موسم سرما میں جو ان کا بریڈنگ سیزن ہوتا ہے، نر اناج چنتا ہے۔ یہ دیکھ کر مادّہ بھی اس کے قریب آجاتی ہے اور اس کی مدد کرنے لگتی ہیں۔ نر اور مادّہ ساتھ ساتھ رہتے ہیں۔ چکور گہری پہاڑی کھائی، درختوں یا ایسے مقامات جو بڑی چٹانوں سے ڈھکے ہوں، وہاں گھونسلے بناتے ہیں۔ یہ ایک وقت میں 7 تا 14 انڈے دیتے ہیں۔ 23 تا 25 دنوں کے بعد انڈوں سے بچے نکل آتے ہیں۔ چکور اناج کے ساتھ کیڑے مکوڑے بھی کھاجاتے ہیں۔ چکور کے بچے کیڑے مکوڑے کھاتے ہیں، لیکن جب وہ بڑے ہوجائیں گے، تب وہ مختلف اقسام کے اناج، گھاس اور پتے بھی کھانے لگیں گے۔ ان پرندوں میں یہ خاص بات دیکھی گئی ہے کہ یہ صبح اور دوپہر میں ہی دانا چگتے ہیں۔