a link for Urdu Kids

http://urduforme.blogspot.com/

Mirror of ancient Civilizationہڑپہ ساہیوال پنجاب پاکستان

ہڑپہ وادی سندھ کی قدیم تہزیب کا مرکز تھا۔ یہ شہر کچھ اندازوں کے مطابق 3300 قبل مسیح سے 1600 قبل مسیح تک رہا۔ یہاں چالیس ہزار کے قریب آبادی رہی۔

یہ شہر 1922 میں دریافت ہوا لیکن اسکی بہت ساری اینٹیں۔ لاہور ملتان ریلوے بنانے میں صرف ہو چکی تھیں۔ اس جگہ کو بچانے کی کوششیں کی جارہی ہیں۔ نیشنل جیوگرافک سوسائیٹی بھی اس کام میں شامل ہے۔دنیا میں تقریبا پانچ ہزار برس قبل تین تہذیبیں معرض وجود میں آچکی تھیں جن میں ایک دریائے دجلہ اور دریائے فرات کے کنارے عراق میں میسوپوٹامیہ، دوسری دریائے نیل کے کنارے مصر اور تیسری وادی سندھ کی تہذیب کہلائی ہے وادی سندھ کی تہذیب سلسلہ ہمالیہ کے دامن سے لیکر بحیرہ عرب تک تقریبا چار لاکھ مربع میل میں پھیلی ہوئی تھی۔اس تہذیب کی اہمیت اس لئے بھی زیادہ ہے کہ اسکا رقبہ اپنی دونوں ہمعصر تہذیبوں کے رقبے سے دوگنا ہے اور اب اس تہذیب کے پاکستان اور بھارت میں چار سو پچاس سے زائد آثار دریافت ہو چکے ہیں جن میں ایک ہڑپہ بھی شامل ہے۔قدیم ہڑپہ شہر کی اہمیت اس لئے بھی زیادہ ہے کہ اس علاقے کے رہنے والے لوگوں نے پڑھنا اور لکھنا بھی دیگر تہذیبوں کے لوگوں کی نسبت پہلے سے شروع کر دیا تھا اور یہاں کے رہنے والے اس دور کے ترقی یافتہ لوگ تھے جو منظم اور منصوبہ بندی کے تحت اپنی زندگی گزارنے کے عادی تھے ان کے بنے ہوئے شہر اور عوام کی ضرویات کے مطابق ترتیب دی ہوئی گلیاں، کوچے، پینے کے پانی اور سیوریج کا نظام اکیسویں صدی کے لوگوں کو شرمندہ کرنے کے لئے کافی ہے۔قدیم ہڑپہ شہر تقریبا پانچ ہزار تین سو سال قبل یہ لوگ آباد ہونا شروع ہو گئے تھے اور چار ہزار چھ سو سال قبل یہ لوگ ترقی کے عروج پر پہنچ گئے تھے۔ یہاں کے باشندے تاجر اور زراعت پیشہ تھے جبکہ ہنر مند افراد کی بھی کوئی کمی نہیں تھی۔قدیم ہڑپہ کے آثار تقریبا ایک سو پینسٹھ ایکڑ رقبے پر پھیلے ہوئے ہیں جن کی دریافت حادثاتی طور پر 1890 میں اس وقت ہوئی جب لاہور سے ملتان ریلوے لائن بچھائی جا رہی تھی تو ریلوے ٹریک کیلئے اینٹوں کی سپلائی دینےوالے ٹھیکیدار نے ہڑپہ میں اینٹوں کی کان دریافت کی ہوئی تھی اور یہاں سے اینٹیں لا کر ریلوے لائن کی تعمیر میں لگائی جاتی رہیں اور جب بعض افسروں نے اینٹوں کی مخصوص ساخت کو دیکھا اور تحقیق کی تو 1920 میں جا کر پتہ چلا کہ یہ اینٹیں ہڑپہ کے قدیم شہر کی تھیں چنانچہ 1920 میں ہی اس علاقے کو حکومتی تحویل میں لے لیا گیا۔مگر تب تک قدیم تاریخ کا یہ جدید شہر اجڑ چکا تھا اور جب اس وقت کی حکومت نے یہاں پر کھدائی کا کام شروع کیا تو نامناسب حالات کی وجہ سے یہاں سے ملنے والے نواد

رات کی حفاظت نہ ہو سکی۔                       ماخوذ وکیپیڈیا

Hiran Minar a beautiful Historical place in Pakistan, Historical buildings , education , Waris Iqbal, Moghal Buildings

ہرن مینار

ہرن مینار پاکستان کی تاریخی عمارات میں سے ایک مشہور عمارت ہے۔ جو اپنے خاص محل وقوع، ماحول، کشادگی، فن تعمیر اور وجہ تعمیر کی وجہ سے خاص شہرت کی حامل ہے۔

کہا جاتا ہے کہ جہانگیر بادشاہ نے اپنے ہرن منس راج کے مرنے کے بعد ایک یادگارمینار تعمیر کروایا تاکہ اُس کے پالتو اور عزیز ہرن کی یاد ہمیشہ قائم رہے اورتاریخ میں اس ہرن کو ایک خاص مقام حاصل ہو جائے۔

 بادشاہ بڑے بادشاہ ہوتے ہیں ان کی رعایا کو روٹی ملے نہ ملے یہ مرنے والوں کے مقابر بڑے شوق اور پیار سے بناتے ہیں۔چاہے مرنے والا انسان ہو یا جانور۔

یہ مینار ایک چبوترے پر بنایا گیا ہے۔ اس مینار کی بلندی تقریبا سو فٹ ہے ۔ جبکہ اس کے سامنے ایک جھیل بنائی گئی ہے۔جس کے بالکل درمیان میں ایک بارہ دری بھی تعمیر کی گئی ہے۔ اس کےچاروں طرف ہاتھیوں کے پانی پینے کی جگہ،انسانوں کے نہانے کی جگہ اور;محافظوں کے ٹھہرنے کی جگہ بنائی گئی ہے۔

میں اس مینار کے سامنے بنی ہوئی جھیل کے کنارے بیٹھ کر اس جھیل کو کئی لمحوں دیکھتا رہا ، یوں لگا جیسےبادشاہ جہانگیر

شکار کی غرض سے آیا ہوا ہے اس کے ساتھ ہزراروں افراد کا لشکر ہے ، ہاتھی اور گھوڑےجھیل سے پانی پی رہے ہیں، سینکڑوں کنیزیں بارہ دری کے راستے میں کھڑی بادشاہ اور اس کے ساتھیوں پر پھول برسا رہی ہیں ۔

 پنجاب کے حکمران نے بادشاہ کی حفاظت اور آرام وسکون کے لئے خصوصی انتظامات کررکھے ہیں۔

بادشاہ اپنے محبوب ہرن کی قبر پر کھڑا ہے۔ جنگل کے جانور اور پرندے چھپ گئے ہیں ۔ ان کے لئے تو یہ جلال قہر سے کم نہیں کل جب بادشاہ شکار پر نکلے گا توپتہ نہیں کتنے بے بس پرندوں اور جانوروں کی جان چلی جائے گی ۔

لیکن جو بھی ہے یہ مینار مغلوں کی عظمت کی نشانی ہے۔ سیاحت کی آمدن کا ذریعہ اور ہم جیسوں کی تفریح گاہ ہے جو اپنے بچوں کو یہاں لا کر اپنے ماضی کے جاہ جلال سے آگہی فراہم کرتےہیں۔ لیکن یہاں آکر بچے اپنے بڑوں سے سوال ضرور کرتے ہیں۔ یہ جگہ اتنی گندی کیوں ہے؟ اس کے کچھ حصے بند کیوں ہیں اس کی مرمت کیوں نہیں ہوتی۔ یہ جگہ ٹھیکیداروں کےحوالے کیوں کی گئی ہے، اس عمارت اور اس کے درختوں پر لوگوں نے اپنے نام لکھ کر کیا

ثابت کرنے کی کوشش کی ہے اور اس عمارت سے حاصل ہونے والی آمدنی کہاں جاتی ہے؟ کیاکوئی پوچھنے والا ہے یا نہیں۔

مرقع زریں اردو خوش نویسی کی ایک نادر اور معیاری کتاب

اردو خوش نویسی کا ایک تابندہ باب


http://www.flipsnack.com/986A759A9F7/fdkf49mn